Bendosegila korbo

basketbowl 001
[Also available in English]

Ĉi tiu projekto estas tre simpla sed mi forpuŝis la faron de ĝi dum longa tempo. Mi unue trovis la ideon en anglalingva filmo ĉe YouTube fare de Steve Carmichael.

Steve ankaŭ provizas seg-ŝablonon kiu tre faciligas la planadon.

Mi jam havis pecon da pinligna tabulo por la projekto, sed ĝi estis jam finpretigita per tinkturo kaj je tiu tempo mi ne volis forigi la finpretigon. Dum kelkaj monatoj la ŝablono sidis sur la tabulopeco. Post mi aĉetis botelon da ŝprucgluo, mi algluis la ŝablonon kaj prisegis la ringojn. Mi lasis la ringojn sur mia laborstablo (ĉiokolektejo) dum kelkaj semajnoj plu.

Antaŭnelonge mi decidis forŝifi la tinkturon per mia iom nova vag-rotacia ŝlifilo. Mi smirgis la randojn, internajn kaj eksterajn per ŝlifospindelo en mia bormaŝino. Tiam mi kungluis la segvojojn en la ringoj.

Mi reŝlifis la gluaĵojn kaj kungluis la korbon, metante unu guton da gluo sur ĉiujn kubutojn de la ringoj. Mi metis ĝin sur la laborstablo renverse por ke pezilo je la supro kunpuŝos la tuton. Post kiam la gluo firmiĝis mi priŝlifis la korbon denove.

Por la finpretigo mi uzis ŝpruclako, farante kelkajn tavolojn.

Smirgospindelo en bormasxino

Ŝlifospindelo en bormaŝino

Vagrotacia smirgilo

Vagrotacia ŝlifilo

 

Advertisements

Fakaro por pikborpintoj

drill case 006 [Also available in English]

Antaŭ proksimume unu jaro mi aĉetis aron da borpintoj specialaj por bori lignon, sep pikborpintojn. Mi uzis ilin tempo al tempo, sed simple lasis ilin kuŝi senorde sur la stablo de mia bormaŝino.  Hodiaŭ mi decidis fari etan projekton kaj krei fakaron por enteni ilin.

Mi uzis lignopecojn kiuj restis post aliaj projektoj. Por komenci, mi kanelis la lignon per la tablosegilo por krei kanelojn kie ĉiu borpinto povis kuŝi.  Mi segis la angulon de la supro kaj uzis la frezilon en stablo por forfrezi iom da la kanelomuroj. Tion mi faris por ke miaj fingroj povos ekpreni la borpintojn el la fakaro. Tiam mi algluis kovenajn lignopecojn al la supro kaj malsupro. Mi priŝlifis tiun parton kaj poste segis pecon da ligno por kovri la fakaron.  Mi muntis ĝin per du malgrandaj ĉarniroj. La finpretigo estis per linoleo.

– Ni faru ion el Ligno!

Pikborpintoj diversgrandaj

Pikborpintoj diversgrandaj

Kestotamburo

georges cajon-2 006[Also available in English]

Jen kestotamburo kion mi konstruis. Amiko mia ĉe nia preĝejo ludas gitaron kaj kantas en loka muzikgrupo. Li vidis la kestotamburon kiun mi faris por mia edzino kaj demandis ĉu mi konstruus unu por li. La tamburisto en lia grupo ne ŝatas ofte posttiri la tamburaron al la ludlokoj ĉar ĝi grandas kaj pezas. Ĉar kestotamburo funkcias kvazaŭ tamburaro, mia amiko pensas ke ĉi tiu bone taŭgos. Fakte, ĉi tiu estas la tria kiun mi konstruis.

La kestotamburo estas konstruita el krucligno dike .5 cola (ĉ. 12.7 mm). Ĝi mezuras ĉirkaŭ alte 20 coloj kaj flanke 12 coloj (ĉ. 50 cm oble 30 cm). La frapfaco estas el 1/8 cola (ĉ. 3.2 mm) krucligno. Ĝi estas alfiksita per latunaj ŝraŭboj. La juntoj de la kesto estas duoblaj rabetoj, kuntenitaj per lignogluo. Interne, siblodratoj tuŝas la frapfacon kaj sonas kiam la tamburo estas ludata.

Mi finpretigis ĝin per poliuretano.

-Ni faru ion el ligno!

La dorso flanko de la tamburo kun la sontruo.

La dorsa flanko de la tamburo kun la sontruo.

La interno kun la siblodratoj tenante kontraux la faco per svingobrako.

La interno kun la siblodratoj tenante kontraŭ la faco per svingobrako.

La supraj anguloj de la faco estas ne firme fiksitaj. Kiam frapata per la fingroj ili donas kraksonon.

La supraj anguloj de la faco estas ne firme fiksitaj. Kiam frapata per la fingroj ili donas kraksonon.

Fendotamburo

fendotamburo

[Also available in English]

Ĉi tiun fendotamburon mi faris kiel provaĵo. Mi faris ĝin el ligno kiun mi trovis ĉe la vojflanko, forĵetitaj tirkestoj. Ĉar en tiu tempo mi ne jam havis rabotmaŝinon, estis kunvena trovi lignon kiu dikas malpli ol duoncole (12.8. mm) Mi kredas ke ĝi ne estas simpla pinligno.

Mi ne volis junti per simplaj platjuntoj aŭ eĉ beveljuntoj, do mi uzis la frezilon muntitan  en stablo por rabeti la finojn de ĉiu flanko. Mi kungluis ilin orte. Mi ne certas kiel nomi tian junton, eble ‘duobla rabetjunto’? Konfese, la juntojn ne perfektas, sed sufiĉe bonas. Ĝi estas tute kuntenitaj per gluo. Mi finpretigis ĝin per 3 tavolojn da poliuretano kaj 4 glufiksaj piedoj.

La tamburo mezuras ĉirkaŭ 5.5 colojn oble 11 colojn kaj staras alte 3 colojn (metre ĉ. 14 cm oble 28 cm oble 7.6 cm). Mi lasis la lignon determini la grandon, pro tio mi nomis ĝin provaĵo. Ĝi fakte estas iom malgranda kompare al aĉeteblaj fendotamburoj, sed ĝi bone fukcias. Mi montris ĝin al mia muzikinstruisto edzino kaj ŝi diris ke ĝi pli bonas ol la aĉeteblaj! Jen kial la mizikilaj konstruaĵoj ne plenigas nian domon. Ili preniĝas al la lernejo de mia edzino kie ili estas uzataj kaj ĝuataj de la lernantoj.

– Ni faras ion el ligno!

Beveljunto

Beveljunto

Platjunto

Platjunto

Duobla Rabetjunto

Breto Mallonga

shelf 001

[Also available in English]

Post kiam mi deprenis malnovan, kadukan ŝtuptabulon kaj muntis la novan, mia filino fulme forprenis la malnovan eĉ antaŭ ol mi decidis ĉu konservi ĝin por estonta uzo aŭ simple forĵeti ĝin. Post kelkaj monatoj ŝi petis min fari breton el ĝi por ŝia dormĉambro.

Komence mi forskrapis la multajn tavolojn da farbo uzante skrapilon kaj farbosolvilon. Mi eltiris kelkajn najletojn kaj vinktojn kiuj estis enmetitaj en la lignon.  Mi pripensis konservi la rompitan randon por krei falsan ‘naturan randon’, sed post mi ekzamenis la lignon, mi decidis ke tio tute ne taŭgus. Do mi forsegis la malbonajn, rompitajn partojn kaj rabotis la tabulon ĝis ĝi ebeniĝis.

Mi uzis la partojn enhavantajn nodojn por la bretotabulo ĉar ili aldonis karakteron al la peco. La apogilojn, mi desegnis permane kaj segis per la bendosegilo. Mi frezis la randojn de la breto per S-profila frezpinto, kaj la randojn de la apogilojn per la sama frezpinto, sed mi malaltigis ĝin por ke ĝi frezis nur konkavaĵon.

Mi simple algluis la apogilojn al la breton kaj poste finpretigis ĝin per tavolojn da ŝpruclako.

-Ni faru ion el ligno!

S-forma frezpinto.

S-profila frezpinto.

La sxtuptabulo el kio mi faris la breton.

La ŝtuptabulo el kio mi faris la breton.

La prisegitaj sed ne smirgitaj partoj de la breto.

La prisegitaj sed ne smirgitaj partoj de la breto.

La breto muntita al muro.

La breto muntita al muro.

Breto kun 'vivanta rando'.

Breto kun ‘natura rando’. (Aliulo faris.)

Ventornamaĵo pri kampara fervojado por konkurso

country railroading

[Also available in English]

Jen mia konkursaĵo por la Whirligig Wars (Ventornamaĵaj Militoj) en la jaro 2014. Farmisto penas puŝi bovinon el la trako sed li nur sukcesas suprenpuŝi la bovinpostaĵon. Samtempe lokomotive atendas por malblokiĝo de la vojo. Tio afero estis nemalofta okazo en ĉi tiu regionon antaŭ cent jaroj. La helicon mi farbis por aspekti kvazaŭ semaforaj aloj.

Mi ĝuis la faron de ĉi tiu projekto. Tamen, ĝi postulis pli da tempo ol mi antaŭvidis. Estas filmo kiu montras la ventornamaĵon movantan.  [Jen ligilo al la filmo]

Mi ne premiis en la konkurso.

-Ni faru ion el ligno!

Bongaj kestotamburoj

bongo cajones

[Also available in English]

Mia kara edzino montris al mi bildon interretan de 40 dolara skatolo vendota kaj demandis ĉu mi povas fari unu-du por la klaso ĉe la lernejo. La katalogo nomis ĝin “bongo cajon” (bonga kestotamburo). Ĝi estas kestotamburo kiu grandas bongece. Ĝi havas malferman malsupron kaj estas ludebla per la manoj aŭ kaŭĉukokapaj maleoj.

Mi diris ke eblas se mi trovos la taŭgan lignon. Do mi notis la mezurojn el la katalogo kaj mane faris kelkajn desegnaĵojn por rememorigi min pri la projekto. Post kelkaj semajnoj mi vidis tirkestaron ĉe la vojflanko, lasita tie por la rubistoj. La flankoj de la tirkestoj estas dike .5 colo (metre ĉ. 13mm) kaj plej ofte el ligno (ne paperaĵo).

Mi forprenis kvar el la tirkestoj kaj portis ilin hejmen por disprenigo. La ligno segiĝis facile, sed mi kredas ke ĝi ne estas pinligno. Mi bevelis la segojn 5 gradojn por doni plaĉan formon kaj sidigis la finojn per rabatkaneloj. La supron mi faris el krucligno dike 1/8 cola (metre ĉ. 3mm). Ĝi devenis el la malsupro de tirkesto. Mi finpretigis ilin per poliuretano.

Okaze de vi ne jam rimarkis, mi faris du.

– Ni faru ion el ligno!