Konstrui fret-dolcimeron, parto 1a

[Also in English]

Vidu la tutan serion ĉi tie! [ligilo]

Kiel gvidilo mi prenis la mezurojn kaj instruojn por ĉi tiu el la libro: Making Folk Instruments in Wood de Dennis Miles Waring. Mi pensas ke mi nur vagos de la instruoj en tio ke mi uzos hejm-faritajn agorgkejlojn anstataŭ meĥanikajn agordstiftojn. Legi plu

4-korda fret-dolcimero

4-string-dulcimer-001

[Also in English]

Post kiam mi eksciiĝis ke ni havos malgrandan Kristnaskon ĉi-jare, mi decidis konstrui por mia edzino la longe promestitan 4-kordan dolcimeron.  Antaŭ kelkaj jaroj mi faris por ŝi 3-kordan instrumenton,  [ligilo], sed mi celis ke ĉi tiu estu eĉ pli plaĉa.  Mi konstruis ĝin plejparte laŭ la instruoj en la anglalingva libro: Making Folk Instruments in Wood de Dennis Miles Waring. Legi plu

Muzikila lignobloko

IMG_2932[Also available in English]

Jen plua kazo kiam mi simple volis fari ion el ligno. Antaŭ kelkaj jaroj mi faris ion similian sed ŝajne mi ne plu havas foton de ĝi. Pasintjare nia komputilo ĉesis funkcii kaj perdiĝis kelkajn diversajn partojn de mia vivo.

Por ĉi tiu projekto mi prenis pecon da ligno, eble ĝi antaŭe estis flanko de tirkesto. Laŭ la koloro de la vejnaro, la speco verŝajne estas popla ligno. Legi plu

Fendotamburo – Filmo kaj Artikolo

[Also available in English]

Fendotamburo estas muzika instrumento en la frapinstrumenta familio. Tia instrumento estas kutime konstruita el bambuo aŭ ligno en formo de skatolo kun unu aŭ pli fendojn en la supro.

La plejmulto da fendotamburoj havas nur unu fendon, sed iom havas du aŭ tri fendojn en formo de la litero “H”.

Se la langoj havas malsamajn longojn aŭ dikecojn la tamburo produktas du malsamajn tonojn.

La deveno de la fendotamburo estas trovita en Afriko, Sudorienta Azio kaj Oceanio. En Afriko tiaj tamburoj strategie lokigitaj por bona sonsendo (T.E. Laŭ rivero aŭ en valo), oni uzis por longdistanca komunikado.

La Projekto

La ligno por ĉi tiu projekto estas dike unu centimetro kaj duono. Mi prenis ĝin de la vojflanko. Antaŭe ĝi estis tirkestaro. Vi povas uzi ian haveblan lignon laŭ tiu dikeco.

Prisegu la flankojn de la skatolo laŭ la desegno suba. Ne nun segu la supron nek subon por ke la grandoj estos ĝustaj.

Simpla Platjunto

Simpla Platjunto

La juntoj de la skatolo povas esti simplaj platjuntoj, sed mi faris rabatojn en la miajn por plifortigi la juntojn. Post mezuro por grando, segu la malsupron laŭ la spaco inter la flankoj. Kungluu la skatolon kun la malsupron kaj flankenmetu ĝin ĝis firmiĝo.

Duobla Rabetjunto

Duobla Rabetjunto

Nun segu la supron por ke ĝi iom pligrandas ol la skatolo. Per frezilo en stablo aŭ laŭ via preferata procedo, segu la 3 fendojn en la supron laŭ la desegno.

Sur la supro, mezuru por trovi la mezon inter la fendofinoj. Marku iom pli ol centimetron de la mezpunkto. Por la alia lango mezuru pluan centimetron ol la unua marko. Vi povas desegni malgrandajn kurbojn por ornamigi la sekvaj segojn.

Per kurbsegilo, mana aŭ elektra retsegilo (laŭ via prefero) segu laŭ la linio kiujn vi ĵus markis por krei la langoj de la tamburo. Ŝlifu la fendojn por makakrigi la fendojn.

Forprenu la krampojn de la skatolo (se la gluo jam firmiĝis) kaj rondigu la randon de la supro kaj la angulojn de la skatolo per frezilo. Nepre KONSERVU LA SUPRAJN RANDOJN DE LA SKATOLO ORTAJN ĝis vi algluos ĝin al la skatolo!

Nun kungluu la supron al la skatolon, centrigante ĝin egale kaj enkrampigu ĝin. Post ĝi firmiĝis, forprenu la krampojn kaj priŝlifu la tamburon antaŭ la finpretigo.

Vi povas finpretigi la fendotamburon per oleo, lako, poliuretano aŭ ŝelako.fendotamburo

Alklaku por plengrando.

Alklaku por plengrando.

-Ni faru ion el ligno!

Du-tona sonbloko

tone block 003

[Also available in English]

Jen unu el la projektoj kiujn mi unue imagis, kaj poste iris en la okupejon kaj faris.  Mi faris ĝin el ligno kiun mi jam havis ĉemane. La kapo estas el duoncola tirkestoligno. La dividbloko estas du dike 3/4 colaj blokoj kungluitaj. La tenilo estas peco da lignostango.  La batilo estas el lignostangoj. Mi formis ĝin per ŝlifado por pli plaĉiiga aspekto.

Kiel kutime mia edzino prenos ĝin por uzo en la klasĉambro.

-Ni faru ion el ligno!

Pluaj fotoj por klarigo pri la tonbloko:

tone block 004tone block 005tone block 006

Piedtamburo / kestotambureto

stomp box

[Also available in English]

Mi konstruis ĉi tiun piedtamburon laŭ la filmo (anglalingva) de Steve Ramsey. Ĝi estis amuzan projekton, kaj ĝi donis al mi kialon uzi mian helpilon por foldtranĉoj! La piedtamburo povas esti ludata per mano aŭ maleetoj, sed kutime oni frapas ĝin piede. Mi faris la tintilstangon el rompita tamburino. Krom la kaŭĉukaj piedetoj, la ligno estis el mia stoko de detranĉaĵoj. La duoncola (12.7 mm) kaj 1/8 cola (3.175 mm) krucligno venis el forĵetita tirkesto kiun mi trovis.

-Ni faru ion el ligno!

Simpla helpilo por foldtrancxoj.

Simpla helpilo por foldtranĉoj.

Kestotamburo

georges cajon-2 006[Also available in English]

Jen kestotamburo kion mi konstruis. Amiko mia ĉe nia preĝejo ludas gitaron kaj kantas en loka muzikgrupo. Li vidis la kestotamburon kiun mi faris por mia edzino kaj demandis ĉu mi konstruus unu por li. La tamburisto en lia grupo ne ŝatas ofte posttiri la tamburaron al la ludlokoj ĉar ĝi grandas kaj pezas. Ĉar kestotamburo funkcias kvazaŭ tamburaro, mia amiko pensas ke ĉi tiu bone taŭgos. Fakte, ĉi tiu estas la tria kiun mi konstruis.

La kestotamburo estas konstruita el krucligno dike .5 cola (ĉ. 12.7 mm). Ĝi mezuras ĉirkaŭ alte 20 coloj kaj flanke 12 coloj (ĉ. 50 cm oble 30 cm). La frapfaco estas el 1/8 cola (ĉ. 3.2 mm) krucligno. Ĝi estas alfiksita per latunaj ŝraŭboj. La juntoj de la kesto estas duoblaj rabetoj, kuntenitaj per lignogluo. Interne, siblodratoj tuŝas la frapfacon kaj sonas kiam la tamburo estas ludata.

Mi finpretigis ĝin per poliuretano.

-Ni faru ion el ligno!

La dorso flanko de la tamburo kun la sontruo.

La dorsa flanko de la tamburo kun la sontruo.

La interno kun la siblodratoj tenante kontraux la faco per svingobrako.

La interno kun la siblodratoj tenante kontraŭ la faco per svingobrako.

La supraj anguloj de la faco estas ne firme fiksitaj. Kiam frapata per la fingroj ili donas kraksonon.

La supraj anguloj de la faco estas ne firme fiksitaj. Kiam frapata per la fingroj ili donas kraksonon.

Fendotamburo

fendotamburo

[Also available in English]

Ĉi tiun fendotamburon mi faris kiel provaĵo. Mi faris ĝin el ligno kiun mi trovis ĉe la vojflanko, forĵetitaj tirkestoj. Ĉar en tiu tempo mi ne jam havis rabotmaŝinon, estis kunvena trovi lignon kiu dikas malpli ol duoncole (12.8. mm) Mi kredas ke ĝi ne estas simpla pinligno.

Mi ne volis junti per simplaj platjuntoj aŭ eĉ beveljuntoj, do mi uzis la frezilon muntitan  en stablo por rabeti la finojn de ĉiu flanko. Mi kungluis ilin orte. Mi ne certas kiel nomi tian junton, eble ‘duobla rabetjunto’? Konfese, la juntojn ne perfektas, sed sufiĉe bonas. Ĝi estas tute kuntenitaj per gluo. Mi finpretigis ĝin per 3 tavolojn da poliuretano kaj 4 glufiksaj piedoj.

La tamburo mezuras ĉirkaŭ 5.5 colojn oble 11 colojn kaj staras alte 3 colojn (metre ĉ. 14 cm oble 28 cm oble 7.6 cm). Mi lasis la lignon determini la grandon, pro tio mi nomis ĝin provaĵo. Ĝi fakte estas iom malgranda kompare al aĉeteblaj fendotamburoj, sed ĝi bone fukcias. Mi montris ĝin al mia muzikinstruisto edzino kaj ŝi diris ke ĝi pli bonas ol la aĉeteblaj! Jen kial la mizikilaj konstruaĵoj ne plenigas nian domon. Ili preniĝas al la lernejo de mia edzino kie ili estas uzataj kaj ĝuataj de la lernantoj.

– Ni faras ion el ligno!

Beveljunto

Beveljunto

Platjunto

Platjunto

Duobla Rabetjunto