Simpla breto

856930-438x

[Also available in English]

Mia filino petis ke mi faru breton por ke ŝi povu formeti kelkajn aĵojn de ŝia skribotablo. nskwwolBonŝance mi jam havis pinlignan tabulon kiu antaŭe estis parto de libroŝranko en nia preĝejo. Mi prenis la tabulon kaj rabotis ĝin per mia rabotmaŝino por forskrapi la malhelan, malnovan finpretigon.  nskxclm

Mi prisegis la tabulon por krei la breton mem kaj la du subtenilajn pecojn. Mi segis ilin per la bendosegilo kaj ŝlifis la kurbajn randojn per ŝlifospindelo en la bormaŝino.

nsmyd34Por plibeligi la randojn, mi uzis la frezilstablon kun S-forma frezpinto. Mi nur uzis la supran duonon de la frezpinto por krei kvaronan rondkanelon. Mi ankaŭ volis malakrigi la supran randon de la breto, do mi uzis beveligan frezpinton por  fari tion.

nsmyfc4Laste, mi kungluis la partojn, kuntenante ilin per miaj elegantaj fiksbendaj krampoj. Mi finpretigis la breton per kelkaj tavoloj da ŝpruclako. Mi pendigis ĝin per duo da pendigaj dentostrioj alnajlitaj al la malantaŭo de la breto.

Dentostria pendigilo alnajlata al bildokadro.

Dentostria pendigilo alnajlata al bildokadro.

-Ni faru ion el ligno!nsof4lsnsof92m

Stakebla Seĝo: Instruserio, 1a parto: Prisegado de la ligno

[Also available in English]

Jen paŝo post paŝo priskribo pri kunstruado de stakebla seĝo. Por ĉi tiu projekto mi komencas kun tabulo kiu mezuriĝas cole .75 oble 11.25 oble 8 futoj. Fakte mi konstruas 6 seĝojn, sed mi montros al vi nur unu. Mi komencas per transtranĉo de la tabulo ĉe la proksimuma mezo. Tio farigas la tabulon pli facile traktebla.

[Sube] Mi laŭlonge segis la tabulon en tri 3-colajn pecojn. Restos nur unu 2-cola peco kiun mi uzos poste en la projekto.

Legi plu

Piedbenko(j) por pupoj

benches etc 003

[Also available in English]

La knabina pupo en la antaŭe priskribita projekto foje faladis el la benko kvazaŭ ŝi ekdormis, do mia filino petis ĉu mi povis fari piedbenkon por la pupo por ke ŝi sidu ĝuste kaj ne falu. Post ripete peto al mi, mi finfine metis la projekteton en mia listo de farendaĵoj. Mi faris ĝin el detranĉaĵoj kiuj estis antaŭe el mia (mal)glora stoko de tirkestoligno. Mi fakte faris du benketojn ĉar mi atendas ke iu diros ke ni bezonas benketon por ambaŭ pupoj. Ni vidos. Ĉar la benko por la pupoj estas farbita, mi farbis ankaŭ la benketon.

– Ni faru ion el ligno!

Pupoj sur la benko kun piedbenketo..

Pupoj sur la benko.

Benko por pupoj

benches etc 004

[Also available in English]

Ĉi tiu estas malnova projekto kiun mi faris en jaro 2012. Ĉar ĝi rilatas al la projekto kiun mi ĵus finis, mi pensas ke konvenas ke mi afiŝu ĝin nun.

Mia edzino petis ke mi faru pupobenkon por du germanaj pupoj porcelanaj kiujn oni donis al nia filino. Mi trovis la projekton en libro en nia loka biblioteko do decidis provi la aferon. Tiu tempo estis antaŭ ol mi sciis pri la gloro trovi lignon je dikeco duoncola ĉe la vojflanko. Pro tio la benketo estas farita el ¾ cola ligno. Tial ĝi aspektas iom blokeca. La juntoj ne tre bonas, nek la finpretigo. Jen suba foto kiu montras mian unuan provon pri hirundvosta junto. La junto ĉe la alia fino aspektas iom pli strikta. Mi farbis la mebleton bruna ĉar la ligno jam havis tinkturon sur ĝi kaj mi ne volis forigi ĝin.

– Ni faru ion el ligno!

Mia unua hirundvosta junto ne tre bonas.

Mia unua hirundvosta junto ne tre bonas.

Pupoj sur la benko.

Pupoj sur la benko.

Breto Mallonga

shelf 001

[Also available in English]

Post kiam mi deprenis malnovan, kadukan ŝtuptabulon kaj muntis la novan, mia filino fulme forprenis la malnovan eĉ antaŭ ol mi decidis ĉu konservi ĝin por estonta uzo aŭ simple forĵeti ĝin. Post kelkaj monatoj ŝi petis min fari breton el ĝi por ŝia dormĉambro.

Komence mi forskrapis la multajn tavolojn da farbo uzante skrapilon kaj farbosolvilon. Mi eltiris kelkajn najletojn kaj vinktojn kiuj estis enmetitaj en la lignon.  Mi pripensis konservi la rompitan randon por krei falsan ‘naturan randon’, sed post mi ekzamenis la lignon, mi decidis ke tio tute ne taŭgus. Do mi forsegis la malbonajn, rompitajn partojn kaj rabotis la tabulon ĝis ĝi ebeniĝis.

Mi uzis la partojn enhavantajn nodojn por la bretotabulo ĉar ili aldonis karakteron al la peco. La apogilojn, mi desegnis permane kaj segis per la bendosegilo. Mi frezis la randojn de la breto per S-profila frezpinto, kaj la randojn de la apogilojn per la sama frezpinto, sed mi malaltigis ĝin por ke ĝi frezis nur konkavaĵon.

Mi simple algluis la apogilojn al la breton kaj poste finpretigis ĝin per tavolojn da ŝpruclako.

-Ni faru ion el ligno!

S-forma frezpinto.

S-profila frezpinto.

La sxtuptabulo el kio mi faris la breton.

La ŝtuptabulo el kio mi faris la breton.

La prisegitaj sed ne smirgitaj partoj de la breto.

La prisegitaj sed ne smirgitaj partoj de la breto.

La breto muntita al muro.

La breto muntita al muro.

Breto kun 'vivanta rando'.

Breto kun ‘natura rando’. (Aliulo faris.)

Tablo por Ludi

play table

[Also available in English]

Mia nevo sugestis ke mi konstuu ĉi tiun tablon por Kristnaska donaco al lia fileto. Lia filo ĵus interesiĝis pri ludtrajnoj. La gepatroj, miaj genevoj volis ion por enteni la trajnojn super la planko, kaj ion sufiĉe malgranda por ke ĝi porteblas al la supera etaĝo.

Mi mezuris similan tablon kaj skalis la mezurojn iom pli malgrandan. La tablo mezuras cole 24 oble 40 oble 14 (metre 60cm oble 100cm oble 35cm ). Ĉiuj supraj randoj estas rondigitaj kaj la subaj randoj estas beveletigitaj. Mi konstruis ĝin el nova pinligno. La farbon mi uzis estas oleobazita brilaĵo por ke fingromakuloj estu facile forigeblaj. La tuta tablo estas kuntenata per lignogluo — neniom da najloj. Nur la svingradoj ĉe la piedoj havas ŝraŭbojn.

– Ni faru ion el ligno!

 

Svingrado. Rado kiu povas svingi.

Svingrado. Rado kiu povas svingi.

Tablo por la kunsidejo

table-1s

[Also available in English]

Dum longa tempo mi pensis ke mankis konvena tablo en la kunsidejo/biblioteko de mia preĝejo.  Ĝis nun estis du faldeblaj tabloj, flanko al flanko en tiu ĉambro.  Vere, ili ne tute aĉas, sed laŭ mi, bona tablo estas farinda.

Mi penis konformigi mian tablon al la koloro de la jamaj mebloj en la ĉambro. En tio mi ŝajne sukcesis. La tablo mezuras 50 colojn oble 6.5 futojn (metre 127 cm oble ĉ. 200 cm).

Ĉar la tablo estas por la preĝejo, mi enscribis la referencojn de kvar eroj el la Sankta Biblio, unu sur ĉiu flankrando.  Ili estas jene:

Sentencoj 16:3 – Transdonu al la Eternulo viajn farojn; Tiam viaj entreprenoj staros forte.

Mateo 18:20 – Ĉar kie du aŭ tri kunvenas en mia nomo, tie mi estas meze de ili.

Sentencoj 19:21 – Multaj estas la intencoj en la koro de homo, Sed la decido de la Eternulo restas fortike.

Johano 13:34 – Novan ordonon mi donas al vi, ke vi amu unu alian; kiel mi amis vin, tiel vi ankaŭ amu unu alian.

En la estonteco mi volas fari 10 seĝojn por la ĉambro.

– Ni faru ion el ligno!

table-3s

Unu el la enskribaĵojn.

Kampara seĝo

adirondack chair

[Also available in English]

Unu someron mi faris ĉi tiun kamparan seĝon. En la angla oni nomas la stilon ‘Adirondack’.  La desegnon mi prenis el libro de Norm Abram, la fama televida lignaĵisto en Usono. La flankotablo mi ne kopiumas, sed similas al unu farita en la televida programo New Yankee Workshop. Ĉar la seĝo loĝas eksterdome, mi uzis pinlignon kiu estis traktita por eksterdoma uzo.

-Ni faru ion el ligno!

Lampo pumpila

pump lamp-1 [Also available in English] Jen malnova projekto kiun mi faris antaŭ kelkaj jaroj. Mi ĵus lastatempe fotis ĝin. Mi tre certas ke mia bofrato sciigis al mi pri ‘Pumpilolampo’. Li faris unu en la lerneja lignaĵista klaso sed iam ĝi perdiĝis. Li bone priskribis ĝin al mi kaj mi prunteprenis ekzempleron de amiko por mezuri ĝin. Tiam mi ekkomencis fari la lampon. Mi uzis lignon el mia detranĉujo. La projekto estas brila ĉar oni devas fari iom da multaj lignaĵistaj taskoj, segado, borado por la elektra kablo, mortezo por la pumpbrako, k.t.p. Suprize ne estas pli da informo pri tia projekte interrete. Ĉu vi iam faris unu?  Kie ĝi estas nun? -Ni faru ion el Ligno!

Lampo sen lumsxirmilo

Lampo sen lumŝirmilo