Kampara Violonista Ventornamaĵo

fiddler whirligig

[Also available in English]

Ĉi tiun estas la unua ventornamaĵo kiun mi iam ajn faris. Je la tempo kiam ni unue transloĝiĝis en nian domon mi ekvolis konstrui ventornamaĵon pri kampara violonisto. En tiu tempo mi estis lernanto pri la violono kaj la penso de violonludanta ventornamaĵo plaĉis al mi. Tiam mi ne vere posedis iajn laborilojn por tiaj projektoj.  La plano ne evoluis preter surpapera desegnaĵo. Tiu restis fiksita al nia kuireja afiŝtabulo ĝis ni formetis ĝin en la subtagmenton post rearanĝo de la ĉambro.

Tamen, la ideo restis en mia menso ĝis mi serĉis nian bibliotekon por libroj pri konstruado de ventornamaĵojn. Mi trovis libron fare de Andrew Lunde kiu priskribas kiel fari la aferon, kiujn iloj uzi, kaj kiaj materialoj havindas por simplaj siluetaj ventornamaĵoj. Do mi aĉetis ekzempleron de tiu libro.

La libro estas tre helpema. Ĝi priskribas kiel fari la helicon kaj la bazon por tiuj ventornamaĵoj. Mi agis kontraŭ prodento. Anstataŭ fari unu el la ventornamaĵoj de S-ro Lunde por bone lerni la fundamentojn, mi enplonĝis kaj desegnis unu de mia propra plano.

Konfese, mi trovis la bazformon por mia projekto per bildoserĉo interreta pri ‘Fiddler Whirligig”. Mi paŭsis tiun bildon per komputilo kaj faris unu-du ŝanĝetojn. Mi faris ŝablonon el kartono por certiĝi ke la artikoj ĝuste funkcios kaj transpaŭsis ilin al ligno. La ligno por ĉi tiu ventornamaĵo estas tiu kiun mi jam havis ĉe mi, ordinaraj tabulpecoj kaj krucligno.

Laŭ S-ro Lunde mi devis aĉeti malgrandan ŝraŭbaĵigilaron (ŝraŭbenigilon kaj ŝraŭbaĵilon) kaj iom da latunaj stangetoj boltoj, ŝraŭbingojn kaj platringojn.

Post ĉio, mi nur diras ke la diabla afero funkcias. Estas plaĉe vidi ĝin moviganta de la ventetoj.

-Ni faru ion el ligno!

ŝraŭbaĵigilaro.

ŝraŭbaĵigilaro.

Kajerujo(j)

notebook-1

[Also available in English]

Filino mia petis min konstrui ion por enteni ŝiajn kajerojn por ke ili ĉemanos kiam iajn skribinda ideo venos al ŝi.  Post pripensado pri bretaj aferoj aŭ aĉeteblaj poŝtujoj, mi desegnis ion kiu laŭ mi, estus taŭga kaj ne fariĝus navigacia blokilo en nia malgranda domo.

Por ĉi tio mi uzis pli el mia stoko de ‘tirkestoligno‘. Plue, mi uzis la novan klingon en mia tablosegilo por junti du trabojn por la dorso de ĉiu kajerujo. Post la juntado mi uzis mian novan rabotmaŝinon por glatigi la tabulojn. Tio estas pli ĝuebla ol multe da ŝlifado.

La flankoj estas ankaŭ el mia stratotrovita provizo, same pri la fronto kiu estas maldika krucligno muntita en kanelo. Mi finpretigis la aferojn per ŝpruclako.

– Ni faru ion el ligno!

Unu speco de rabotmasxino.

Unu speco de rabotmaŝino.

Fakte mi faris du kajerojojn.

Fakte mi faris du kajerojojn.

Unu kajerujo uzata.

Unu kajerujo uzata.

Tablo por Ludi

play table

[Also available in English]

Mia nevo sugestis ke mi konstuu ĉi tiun tablon por Kristnaska donaco al lia fileto. Lia filo ĵus interesiĝis pri ludtrajnoj. La gepatroj, miaj genevoj volis ion por enteni la trajnojn super la planko, kaj ion sufiĉe malgranda por ke ĝi porteblas al la supera etaĝo.

Mi mezuris similan tablon kaj skalis la mezurojn iom pli malgrandan. La tablo mezuras cole 24 oble 40 oble 14 (metre 60cm oble 100cm oble 35cm ). Ĉiuj supraj randoj estas rondigitaj kaj la subaj randoj estas beveletigitaj. Mi konstruis ĝin el nova pinligno. La farbon mi uzis estas oleobazita brilaĵo por ke fingromakuloj estu facile forigeblaj. La tuta tablo estas kuntenata per lignogluo — neniom da najloj. Nur la svingradoj ĉe la piedoj havas ŝraŭbojn.

– Ni faru ion el ligno!

 

Svingrado. Rado kiu povas svingi.

Svingrado. Rado kiu povas svingi.

Kie trovi lignon?

dresser[Also available in English]

Kie akiri lignon kiu ne estas ordinara pinlignaj tabuloj kaj traboj el la loka konstruprovizejo? Se vi ne loĝas apud meblofarista lignovendisto, aŭ eble vi ne volas pagi la prezon por ligno por malgrandaj projektoj lignaĵistaj, faru kiel mi. Mi loĝas en mezgranda urbo en kampara angulo de Novĵerzejo. Dum mi aŭtas tien kaj reen, sed ĉefe en mia urbo, mi serĉas je la vojflanko por kadukaj mebloj. Oni ofte forĵetas lignajn seĝojn, sed ili ne enhavas utilan lignon por mi.  La bona afero estas se iu forĵetis malnovan tirkestaron. La bildo maldekstra montras tipan trezoron. En malnovaj mebloj tre ofte paperaĵoj kaj ligneraĵoj estas ne uzitaj. En malnovaj tirkestaroj ofte mi trovos maldikan lignon en la tirkestoflankoj kaj dorsoj, maldikan kruclignon en la subojn de la tirkestoj.

Se la korpo de la meblo estas granda kaj simpla (nekurba) mi ofte trovos pli da kruclignon, sed pli grandan. La supro kaj flankoj de la korpo foje estas el tabuloj. Veras ke la finpretigo estas forigenda, sed kartoskrapiloj kaj smirgado helpos forigi ĝin.

Ne lasu bonan lignon esti forĵetita. Prenu ĝin kaj reuzu ĝin!

– Ni faru ion el ligno trovita!

Kartoskrapilo uzata.

Kartoskrapilo uzata.

Aro de Kartoskrapiloj.

Aro de Kartoskrapiloj.

Kadroj por Artaj Vizaĝoj de Stampy kaj Squid

stampy squid

[Also available in English]

Mia filino estas avidega ŝatanto de la steluloj en Minecraft, Stampylongnose kaj iBallisticSquid ĉe YouTube.  Ŝi  volis fari artprojekton ĉehejme de la vizaĝoj de du karakteroj en Minecaraft do ŝi petis mian helpon.

Mi elsegis amason da unu-colajn (2.5 cm) kvadratojn el dike 3/4 cola (2 cm) tabulo, ĉirkaŭ 140 pecojn. Ĉiu ‘vizaĝo postulas 64 pecojn.) La filino farbis ilin permane kaj kungluis ilin laŭ la ĝusta aranĝo. La rezulto estis iom malforta por pendigi de muro, do mi sugestis ke mi faru kadrojn por ili ambaŭ.

Mi uzis lignon kiu estis en la detranĉujo. Per mia bevel-glitplato mi beveligis la finojn. Mi aldonis maldikan kruclignan pecon al la dorso por plifortigo.

Mia filino faris filmojn pri la farbo kaj gluado de la projektoj. Ili mallongas kaj havas ĝueblan muzikan fonon.

Jen ligilo por filmo pri la farado de la vizaĝo Stampy.

Jen ligilo por filmo pri la farado de Squid.

– Ni faru ion el ligno!

Bevel-glitplato.

Bevel-glitplato.

Tablo por la kunsidejo

table-1s

[Also available in English]

Dum longa tempo mi pensis ke mankis konvena tablo en la kunsidejo/biblioteko de mia preĝejo.  Ĝis nun estis du faldeblaj tabloj, flanko al flanko en tiu ĉambro.  Vere, ili ne tute aĉas, sed laŭ mi, bona tablo estas farinda.

Mi penis konformigi mian tablon al la koloro de la jamaj mebloj en la ĉambro. En tio mi ŝajne sukcesis. La tablo mezuras 50 colojn oble 6.5 futojn (metre 127 cm oble ĉ. 200 cm).

Ĉar la tablo estas por la preĝejo, mi enscribis la referencojn de kvar eroj el la Sankta Biblio, unu sur ĉiu flankrando.  Ili estas jene:

Sentencoj 16:3 – Transdonu al la Eternulo viajn farojn; Tiam viaj entreprenoj staros forte.

Mateo 18:20 – Ĉar kie du aŭ tri kunvenas en mia nomo, tie mi estas meze de ili.

Sentencoj 19:21 – Multaj estas la intencoj en la koro de homo, Sed la decido de la Eternulo restas fortike.

Johano 13:34 – Novan ordonon mi donas al vi, ke vi amu unu alian; kiel mi amis vin, tiel vi ankaŭ amu unu alian.

En la estonteco mi volas fari 10 seĝojn por la ĉambro.

– Ni faru ion el ligno!

table-3s

Unu el la enskribaĵojn.

Cindrokesto por maljuna amikino

casket-1

[Also available in English]

Jen kesteto kiun mi faris por la cindroj de virino en mia preĝejo. Ŝi estis vidvino kun nenia ajn familio krom niaj preĝejanoj. Mi pasigis iom da tempo kun ŝi dum naŭ monatoj veturigante ŝin tien kaj reen al kuracistoj kaj kemterapio ĉar ŝi tro feblis por veturigi ŝin mem.

Ŝi jam antaŭpagis por la kremacio je ŝia mortiĝo sed mi sciis ke oni liverus la cindron en plasta sako en plasta aŭ kartono skatolo. Do mi petis al mia pastro ke mi faru cindrujon por ŝi. Legi plu

La Leĝo kaj Evangelio

 

law and gospel

[Also available in English]

Pro la 30a jaro post la Konsekro de mia pastro, mi volis fari ventornamaĵon por li. Post iom da penso, venis al mi la bildo de predikanto tenanta krucon kaj Biblion per la manoj. Ili balancas kiel balancopesilo kiam la vento blovas. La vosto estas bildo de nia preĝejo kvazaŭ vidata de la pastra domo.

-Ni faru ion el ligno!

Du maleoj

du maleoj

[Also available in English]

Mi faris la jenajn ĝemelajn maleojn por kromaj Kristnaskaj donacoj . Mi donis ilin al mi bofrato kaj lia filo. Ambaŭ estas eblaj lignaĵistoj estontaj. Mia nevo antaŭnelonge malvolis pagi la altan prezon por televidila breto, do li mem faris unu.

La maleoj estas laŭ desegno kiun Steve Ramsey montris en lignaĵista filmo antaŭe. Mi uzis kion mi kredas estis du specoj de malmola ligno el mia stoko. Mi finpretigis ilin per kelkaj tavoloj da poliuretano.

-Ni faru ion el ligno!

Kampara seĝo

adirondack chair

[Also available in English]

Unu someron mi faris ĉi tiun kamparan seĝon. En la angla oni nomas la stilon ‘Adirondack’.  La desegnon mi prenis el libro de Norm Abram, la fama televida lignaĵisto en Usono. La flankotablo mi ne kopiumas, sed similas al unu farita en la televida programo New Yankee Workshop. Ĉar la seĝo loĝas eksterdome, mi uzis pinlignon kiu estis traktita por eksterdoma uzo.

-Ni faru ion el ligno!